باش بەت>>پەن-تېخنىكا>>پەن-تېخنىكا ئۇچۇرلىرى
مېتال گەۋدىلىك GALAXY S5 گە GALAXY Alpha دەپ ئىسىم قويۇلىدۇ
مەنبەسى:نۇر تورى |تەھرىر:زۆھرە مۇختەر | يوللانغان ۋاقىت:2014-07-15 11:09:08

 
مېتال گەۋدىلىك سامسۇڭ GALAXY F يانفونىنىڭ خەۋىرى ئاشكارىلانغاندىن كېيىن، ئاز بولمىغان ئىستېمالچىلارنى ئۆزىگە قاتتىق جەلىپ قىلىۋالدى، ئۇ ھەقتە تارقالغان ئۇچۇرلارغا ئاساسلانغاندا، GALAXY F يانفونى بۇ يىل 9-ئايدا رەسمىي ئېلان قىلىنىشى مۇمكىن.
بىراق، كورىيەدىكى star.mt تاراتقۇسىنىڭ ئەڭ يېڭى خەۋىرىدە دىيىلىشىچە، سامسۇڭ شىركىتى بۇ يېڭى نۇسخىدىكى بايراقدار مەھسۇلاتقا GALAXY Alpha دەپ ئىسىم قويىدىغان بولۇپ، 7-ئاينىڭ ئوتتۇرىلىرىدا ئېلان قىلىدىكەن، ئۇنىڭغا كۇۋالكوم 805 تىپلىق بىر تەرەپ قىلغۇچ، 2K لىق كۆرسىتىش ئىكرانى سەپلىنىدىغان بولۇپ، ياۋروپا قاتارلىق خەلقئارالىق بازارلاردا ماس قەدەمدە ئالدىن سېتىشنى يولغا قويىدىكەن.
GALAXY S5 نىڭ دەرىجىسى ئاشۇرۇلغان نۇسخىسى بولۇش سۈپىتى بىلەن، GALAXY F گە يەنە GALAXY S5 prime دەپمۇ ئىسىم قويۇلغان، ئۇنىڭ ئاشكارىلانغان رەسىمدە «9-ئاينىڭ 12-كۈنى» دىگەن چىسلا كۆرسىتىلگەن بولغاچقا، تەھلىلچىلەر بۇ يانفوننىڭ 9-ئايدا ئېلان قىلىنىدىغانلىقى مۆلچەرلىگەن. بىراق، ھازىرقى ئەڭ يېڭى ۋە ئەڭ ئىشەنچلىك ئۇچۇرلارغا قارىساق، بۇ يانفونغا GALAXY Alpha دەپ ئىسىم قويۇلىدىغان بولۇپ، بالدۇر بولغاندا 7-ئاينىڭ ئوتتۇرىلىرىدا ئېلان قىلىنىدىكەن، ئەڭ مۇھىم تەرىپى، بۇ يانفونغا ئىستېمالچىلار ئۇزۇندىن بېرى تەقەززا بولۇپ كەلگەن مېتال قاپ سەپلىنىدىكەن.
گەرچە بۇ خەۋەرلەر سامسۇڭ شىركىتىنىڭ دەلىللىشىدىن ئۆتمىگەن بولسىمۇ، بىراق، بۇنىڭغا ئوخشاش مىش-مىش پاراڭلار ھەقىقەتەن ئاز ئەمەس. SamMobile تور بېكىتىنىڭ باش تەھرىرى Faryaab Sheikh يېقىندا تىۋىتتېر مىكروبىلوگ ئۇچۇرى ئېلان قىلىپ، سامسۇڭ GALAXY F يانفونىغا GALAXY Alpha دەپ ئىسىم قويۇلىدىغانلىقىنى، ئۇنىڭ ئۈستىگە سامسۇڭ شىركىتىنىڭ ئامېرىكىدا «GALAXY Alpha» ماركىسىنى ئەنگە ئالدۇرۇپ بولغانلىقى قاتارلىق ئۇچۇرلارنى ئاشكارىلىغان، قارىغاندا، ئالىي دەرىجىلىك نۇسخىدىكى GALAXY S5 يانفونىغا ھەقىقەتەن GALAXY Alpha دەپ ئىسىم قويۇلىدىغان ئوخشايدۇ.
 
ئالدىنقىسى
كېيىنكىسى
مۇناسىۋەتلىك خەۋەرلەر
يەنە قىزىق نۇقتا
يەنە ئاۋات سۈرەتلىك خەۋەرلەر
يەنە تەنتەربىيە
يەنە پەن-تېخنىكا
يەنە غەلىتە ئىشلار
يەنە كوچا پاراڭلىرى
يەنە ساغلاملىق